Андрэй Юр’евіч Бодак нарадзіўся 8 мая 1961 г. у г. Брэсце ў сям’і служачых. Бацька быў ваенным, таму сям’я пераязджала па месцы службы. У 1973 г. пераехалі ў г. Свярдлоўск (з 1991 г. перайменаваны ў Екацярынбург), дзе Андрэй скончыў сярэднюю школу. Будучы школьнікам вельмі шмат чытаў, палюбіў гісторыю. У 1983 г. скончыў гістарычны факультэт Уральскага дзяржаўнага ўніверсітэта імя А. М. Горкага.

Валянціна Іванаўна Локун нарадзілася 6 жніўня 1946 г. у в. Цепянец Пінскага раёна Пінскай (цяпер Брэсцкай) вобласці. Скончыла Цепянецкую пачатковую школу, затым вучылася ў Малоткавіцкай сярэдняй школе, а з сёмага класа перайшла ў Пінскую завочную школу, якую скончыла ў 1966 г. з залатым медалём і паступіла на філалагічны факультэт (рускае аддзяленне) Брэсцкага дзяржаўнага педагагічнага інстытута імя А. С. Пушкіна.

Юрый Вячаслававіч Шаўцоў нарадзіўся 29 ліпеня 1966 г. у в. Расна Камянецкага раёна Брэсцкай вобласці. У 1983 г. скончыў сярэднюю школу № 18 г. Брэста. З 1983 па 1988 гг. вучыўся на гістарычным факультэце Беларускага дзяржаўнага ўніверсітэта імя У. І. Леніна. У 1987–1991 гг. працаваў настаўнікам гісторыі і грамадазнаўства ў СШ № 13 г. Брэста.

Яўген Сямёнавіч Разенблат нарадзіўся 25 верасня 1961 г. у г. Свярдлоўску (цяпер Екацярынбург) у сям’і служачых. Закончыў сярэднюю школу № 13 г. Свярдлоўска. Школьнікам захапляўся спортам (самба, баскетбол, стральба), удзельнічаў у тэатральным гуртку на англійскай мове, палюбіў бардаўскую песню. Цікавіўся гісторыяй, збіраў газетныя артыкулы па гісторыі гарадоў.

Мікалай Пятровіч Анцукевіч (1892–1971) — педагог, гісторык, лінгвіст. Нарадзіўся ў мястэчку Ельск Мазырскага павета Мінскай губерні. Скончыў Мазырскую прагімназію, Бабруйскую гімназію з залатым медалём. Па жаданні бацькі паступіў у Ваенна-медыцынскую акадэмію ў Санкт-Пецярбургу, але — «лірык» перамог «хіміка»: неўзабаве юнак выбраў Нежынскі гісторыка-філалагічны інстытут.

Павел Рыгоравіч Кужыр нарадзіўся 1 студзеня 1946 г. у в. Батчы Кобрынскага раёна Брэсцкай вобласці. Бацька Рыгор Фёдаравіч працаваў на чыгуначнай станцыі Жабінка, маці Надзея Пятроўна — даяркай у калгасе. Павел выдатна закончыў сем класаў у Батчынскай школе, потым вучыўся ў СШ № 2 г. Кобрына. Карпатлівая праца, мэтанакіраванасць, глыбокія веды дазволілі юнаку закончыць школу з залатым медалём.

Марыя Пятроўна Жыгалава нарадзілася 10 лютага 1951 г. у в. Збураж Маларыцкага раёна Брэсцкай вобласці ў сялянскай сям’і. З 1969 г. працавала ў Збуражскай сярэдняй школе старшай піянерважатай, настаўніцай. Пасля заканчэння філалагічнага факультэта Брэсцкага педагагічнага інстытута імя А. С. Пушкіна (1973) больш за 20 гадоў працавала настаўнікам рускай мовы і літаратуры, нямецкай мовы ў школах Маларыцкага раёна. У Арэхаўскай СШ стварыла школьны музей імя А. С. Пушкіна.

Клаўдзія Сямёнаўна Трысцень (у дзявоцтве Сачэнка) нарадзілася 13 красавіка 1941 г. у в. Нахаў Васілевіцкага раёна Гомельскай вобласці ў шматдзетнай сям’і. Закончыла Скрыгалаўскую сярэднюю школу Мазырскага раёна (1958), Мінскае зубаўрачэбнае вучылішча (1962). У 1969 г. з адзнакай закончыла стаматалагічны факультэт Мінскага дзяржаўнага медыцынскага інстытута па спецыяльнасці «ўрач-стаматолаг».

Мікалай Паўлавіч Гержа нарадзіўся 9 лютага 1956 г. у в. Літвінкі Кобрынскага раёна Брэсцкай вобласці. У 1963 г. пайшоў у першы клас Літвінкаўскай пачатковай школы, у 1967 г. працягваў вучобу ў Батчынскай васьмігадовай школе. Сярэднюю адукацыю Мікалай атрымаў у Якаўчыцкай сярэдняй школе Жабінкаўскага раёна.

Аляксандр Аляксандравіч Волчак нарадзіўся 17 мая 1955 г. у в. Сачковічы Пінскага раёна Брэсцкай вобласці ў сям'і служачых. У 1972 г. закончыў СШ № 5 г. Кобрына. З 1972 г. па 1973 г. працаваў слесарам на Кобрынскім ільнозаводзе.